{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

如何清潔

 

每日都有好多客人問我地帽究竟點清潔架?
好啦,就等小編慢慢講解下比大家知。
長文,慎入
如對閱讀有恐懼嘅人士,請找朋友代為閱讀。

首先帽子係唔可以浸洗,記住唔可以浸洗。如果浸洗的話,整頂帽會因為吸左太多水而變得淋身及容易變型。所以千其唔好浸洗,放落洗衣機洗更加係萬萬不能。

帽係要定時定候保養的。
所謂嘅保養係戴完頂帽後可以用清毒酒精噴一噴、消毒紙巾抺一抺帽內的汗帶,這樣可以殺滅由汗水產生的細菌及氣味。記得唔好將頂帽摺埋,因爲無空氣流通,帽內的汗帶亦好容易滋生細菌及發霉。

如果不幸地頂帽有汗積及發霉點算好?
呢個時候大家可以開盆洗衣液(粉)嘅水,然後用牙擦沾一些洗衣水去擦有污穢的位置,記得帽內嘅汗帶係污穢的溫床,要底面都得擦乾淨。如有需要,可重覆以上步驟。然後洗乾淨牙擦再沾些清水擦多次相同嘅地方。最後用乾布儘量印乾有濕嘅位置,再將頂帽放係陰涼嘅地方吹乾就可以了。

❗️如果頂帽係有反光及夜光印花,擦嘅時候儘量避開那些位置,因為有機會擦掉那些印花的。

當然選用Crep Protect 出嘅 Cure 清潔套裝就最正啦,因為 Crep Cure 用98% 天然 coconut extracts 及 jojoba,性質溫和,清潔效果亦好好。
其實坊間亦有好多清潔方法,例如乾洗粉劑等都係可以的,總之就係以唔浸洗為大前題!

好多客亦有問,帽可唔可以拎出去比人乾洗?
乾洗本身係非常之好嘅做法,但好多洗衣店嘅人會壓住頂帽去進行乾洗,到最後頂帽係好乾淨,但帽型已經變了。所以除非客人找到一間值得信賴嘅乾洗店,如果唔係都係自己洗啦!

多謝大家咁有耐性睇到最後,記得讚好我地及分享比你身邊愛戴帽嘅朋友知啦